Русия миллиардеры Англиядә үлгән

Волгоград миллиардеры Дмитрий Обретецкий машина бәрдергәннән соң вафат булган.
- Лондоннан күңелсез хәбәр килде. "Магнат трейд энтерпрайз" компаниясенә нигез салучы һәм аның хуҗасы Дима Обретецкий, машина бәрдергәч, комадан чыкмады, — диелә бер хәбәрдә.

Кайбер мәгълүматларга караганда, бизнесмен 30 ноябрьдә үк вафат булган, тик аның якыннары бу вакыйганың нечкәлекләрен ачмый.

Дмитрий Обретецкий - Волгоградтан килгән танылган миллиардер, ул бизнесменнар арасында гына түгел, ә футбол фанатлары арасында да дан казанган. "Евро-2008"дә ул ничектер Голландия җанатарлары арасында була һәм Русия командасының һәр голын аларның компанияләрендә көчле алкышлар белән каршылый.

Автор: Резеда Галикәева

Фото: https://kiziltan.rbsmi.ru