Рөстәм Миңнеханов Россия Президенты Юлламасын Мәскәүдә тыңлаячак

(Казан, 15 гыйнвар, «Татар-информ»). Бүген Татарстан Президенты Рөстәм Миңнеханов  Россия Президентының Федераль Җыенга Юлламасы белән чыгышын Мәскәүдә тыңлый. Бу чара көндез уникедә «Манеж» күргәзмәләр залында булачак. Бу турыда ТР Президенты матбугат хезмәте хәбәр итте.

Юллама тантанасына 1,3 мең кеше килә. Алар арасында Россия Хөкүмәте, Россия Федерация Советы вәкилләре, Дәүләт Думасы, төбәк җитәкчеләре, җәмәгать эшлеклеләре була.

Аннан соң Рөстәм Миңнеханов Татарстанның Россиядәге Тулы вәкаләтле вәкиллегендә «КАМАЗ» йөк машиналары җитештерә торган заводның беренче директоры Лев Васильев белән очраша.

Фото: tatarstan.ru