Саба ТВ

Рөстәм Миңнеханов «Балалар җыры марафонында» балачак хыялын сөйләде

Татарстан Президенты «Штаб» креатив индустрияләр резиденциясендә Бөтендөнья балалар теләкләрен чынга ашыру көненә багышланган концертта булды.

(Казан, 29 апрель, «Татар-информ», Марат Ишкильдин). Татарстан Президенты Рөстәм Миңнеханов «Штаб» креатив индустрияләр резиденциясендә Бөтендөнья балалар теләген чынга ашыру көненә багышланган «Балалар җыры марафоны» концертында булды.

Яшь алып баручылар республика җитәкчесенә берничә сорау бирде. Алар президенттан балачакта зур җитәкче булырга хыялланганмы дип кызыксынган. «Балачакта мин зур җитәкче булырга хыялланмадым, мин инженер булырга теләдем, техника ярата идем. Шулай килеп чыкты инде», — дип җавап бирде Татарстан Президенты.

Икенче сорау яхшы нәтиҗәләргә ирешү өчен мәктәптә нинди фәннәрне өйрәнергә кирәклеге турында иде.

«Мәктәптә генә түгел, ата-аналардан, педагоглардан һәм остазлардан да өйрәнергә кирәк. Нәрсә яхшы килеп чыгуына игътибар итәргә кирәк. Мәктәп программасына килгәндә исә, кем кайда буласын алдан беркем дә белмәвен аңларга кирәк. Мәктәптә укыткан бөтен фән дә кирәк булачак», — диде Рөстәм Миңнеханов.

Татарстан Президенты шулай ук мәктәптә һәм югары уку йортында яхшы укуын, әмма үз вакытында химия һәм чит телләр белән күбрәк шөгыльләнергә теләвен әйтте. Шул ук вакытта кешеләр туган телләрен, үз иленең тарихын һәм географиясен белергә тиеш, диде.

«Минем бу предметлар буенча уртача белемем бар иде. Бездә нефть эшкәртү һәм нефть химиясе республикасы, миңа белгечләр белән аралашканда, сүзнең нәрсә турында барганын аңларга кирәк», — диде Татарстан Президенты.

Рөстәм Миңнеханов шулай ук математика, физика һәм биология кебек фәннәрнең мөһимлеген билгеләп үтте. Ул информатиканы телгә алды, бөтен җирдә цифрлаштыру бару сәбәпле, аның әһәмияте арта.

 

Фото: https://tatarstan.ru

 

______________________________________________________________________________________________________________________________________

 

Безнең инстаграммга кушыл ===>>> Instagram.com/trksabadulkynnary/

______________________________________________________________________________________________________________________________________

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: