Саба ТВ

Рөстәм Миңнеханов троллейбус йөртүчегә татарча дәшеп, хәлләрен сорашты (+видео)

Бүген Казандагы маршрутларның берсендә

(Казан, 28 февраль, "Татар-информ"). Бүген Казандагы маршрутларның берсендә йөрүче яңа троллейбусны Татарстан Республикасы Президенты Рөстәм Миңнеханов бәяләде. Бу турыда Татарстан Президенты матбугат хезмәте хәбәр итте.

Видеодан күренгәнчә, Рөстәм Миңнеханов троллейбус салонында йөртүче янында басып барган. Президент татарча дәшеп, троллейбус йөртүченең хәлләрен белеште, "уңайлымы соң", дип сораган.

Осмотр Президентом нового городского электротранспорта

Р.Зорге һәм Бертуган Касыймовлар урамы чатында Рөстәм Миңнеханов һәм «Метроэлектротранс» МУП генераль директоры Әсфан Галәвов троллейбуска утырып, киләсе тукталышка кадәр бардылар. Юлда Рөстәм Миңнеханов смартфоны аша яңа троллейбустан инстаграмда туры трансляция алып барды, диелгән әлеге хәбәрдә.

Осмотр Президентом нового городского электротранспорта

«Метроэлектротранс» МУП генераль директоры Әсфан Галәвов шәһәр электр транспортында түләү ысуллары турында (акчалата һәм транспорт картасы ярдәмендә түләп була), якын арада электр транспортында түләү өчен яңа терминаллар гамәлгә кертелүе турында хәбәр иткән.

2017 елда Казанда троллейбуслар паркы тулысынча диярлек яңартылган. "Караклык кимесен иде, - дигән Әсфан Галәвов. - Кулланылышка кертеләчәк валидаторлар чеклар бирәчәк. Чекта секундына кадәр вакыты бастырылачак, икенче кат әлеге чекны сатып булмый".

Осмотр Президентом нового городского электротранспорта

 

______________________________________________________________________________________________________________________________________

 

Безнең инстаграммга кушыл ===>>> Instagram.com/trksabadulkynnary/

______________________________________________________________________________________________________________________________________

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: