Россия паралимпиячеләре 2018 елгы Уеннарда нейтраль статуста чыгыш ясаячак

(Казан, 29 гыйнвар, «Татар-информ»). Россия паралимпиячеләре 2018 елда Көнья Кореяның Пхенчхан шәһәрендә узачак Паралимпия уеннарында нейтраль статуста чыгыш ясаячак, дип хәбәр итә РИА «Новости» Халыкара паралимпия комитетының рәсми сайтына сылтама ясап.

Атлетлар спортның биш төрендә «Нейтраль паралимпия атлеты» статусында чыгыш ясаячак.

Халыкара паралимпия комитеты 2016 елның августында Россия спортчыларын 2016 елгы Паралимпиададан читләштерде һәм Россия паралимпия комитетын оешмада әгъза булып торудан мәхрүм итте.

Пхенчханда Паралимпия уеннары 9-18 март көннәрендә уза.