Саба ТВ

Роспотребнадзор Татарстанда үз хокукларын нәтиҗәле яклаган кулланучыны бүләкли

Күзәтчелек органы республикада яшәүчеләр өчен «Финанс хезмәтләрен грамоталы кулланучы» бәйгесен игълан итте.

ТР буенча Роспотребнадзор идарәсе республикада яшәүчеләр өчен «Финанс хезмәтләрен грамоталы кулланучы» бәйгесен игълан итте.

Конкурсантларга кулланучыларның хокукларын бозган оешма яки предприятиене «җиңүен» дәлилләгән документ күрсәтергә кирәк. Күзәтчелек органы вәкилләре җиңүчегә кыйммәтле бүләк тапшырырга вәгъдә итә.

Үз хокукларыңны нәтиҗәле яклауны раслый торган документларга суд карарлары, килешүләр, мөрәҗәгатьләргә җаваплар, дәгъвалар кертелгән. Аңа оешманың куелган таләпләрне үтәве турында дәлил өстәргә кирәк. Документларда 2016 яки 2017 ел датасы торырга тиеш.

Гаризаларны быелның 6 декабренә кадәр тапшырырга мөмкин. Алар rpn.zppsmi@tatar.ru электрон почтасы буенча яки идарә (адресы: Казан, Зур Кызыл урамы, 30, 14нче бүлмә) белгечләре тарафыннан кабул ителә. Документларны идарәнең территориаль органнарына да тапшырырга була.

 

 

Безнең соц. челтәрләргә кушыл ===>>> Инстаграм, ТикТок

__________________________________________________________________________________________________________________________________

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: