Полицейскийлар күршеләр үтенече буенча фатирны ачып кереп, өч кешенең мәетен тапкан
Хәзер кешеләр үлеменең берничә сәбәбе карала, шул исәптән ис тиеп агулану да карала.
Казанда полицейскийлар күршеләр үтенече буенча фатирны ачып, ике хатын-кыз һәм ир-атның гәүдәләрен тапкан. Бу хакта «Татар-информ» МА үз чыганакларыннан билгеле булды.
Чыганак мәгълүматлары буенча, полициягә Дәрвишләр бистәсендәге Липатов урамы буенча 23а йортта яшәүчеләр мөрәҗәгать иткән. Алар беренче каттагы фатирдан бик нык ис килә, дип хәбәр иттеләр.
Эчтә өч кешенең — ике хатын-кызның һәм ир-атның гәүдәләре табылган. Билгеле булганча, алдан алынган мәгълүматларга караганда, ир-ат һәм хатын-кыз ис тиеп агуланган.
Фаҗиганең башка версияләре дә карала, шул исәптән суррогат хәмер белән агулану да. «Татар-информ» мәгълүмат агентлыгы мәгълүматлары буенча, һәлак булганнарның барысы да — бер гаилә әгъзалары (ире, хатыны һәм сеңлесе).
Фото: https://youla.ru
Следите за самым важным и интересным в Telegram-каналеТатмедиа
Нет комментариев