Саба ТВ

Саба районы

Радио һәм телевидение яңалыклары

Өй шартларында прәннек

Саба районы Иләбәр авылында яшәүче Исмегөл Зәйнуллинадан прәннек рецептын тәкъдим итәбез.

Камыр өчен: 0,5 литр оеган сөт яки кефир, 3 йомырка, 11 аш кашыгы зәйтүн мае, 2 стакан песок, 1 чәй кашыгы тоз, 1 чәй кашыгы сода, аш серкәсе, чама белән он. 

Крем: 2 стакан шикәр комы, 180 грамм су.
  
Су кайнап чыккач, шикәр комын салып, 10 мин кайнатырга һәм шунда ук прәннек өстенә агызырга. 
 
Йомшак итеп камыр басарга. Камырны җәеп формалап кисәргә. Майланган табага прәннекләрне тезеп, духовкада пешерергә. Пешкән прәннекләр өстенә кремны агызырга һәм яхшылап болгатырга. Кремы катып киткәч, прәннекләрне савытка салып куярга. 
  
"Хәтерләсәгез, 1994-1996 нчы елларда бу прәннекләрне һәр гаилә пешерә иде, бик популяр иде ул. Кибетләрдэ булмаганмы, әллә хәзерге кебек төрлелек җитмәгәнгәме, өйдә пешергән прәннекләр шулкадэр тәмле була иде. Шул вакытларны искә төшереп пешердем эле, тәме дә шул елларныкы кебек", - дип язган Исмегөл ханым Инстаграмда

 

 

Фото: Исмегөл Зәйнуллина

https://intertat.tatar

 

 

Безнең Вконтаке челтәренә языл! 

Кызыклы яңалыкларны күзәтеп бару өчен Телеграм каналга язылыгыз

 

 

 

Следите за самым важным и интересным в Telegram-каналеТатмедиа

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев