Саба ТВ

Әмир Шәрәфиев: «Чия яфрагын коеп бетергәч, кыш башлана»

Узган атнада беренче кар төште. Димәк, кышка да озак алмады. Чын кар быел кайчан ятар, кышы суык булырмы? Халык синоптигы Әмир абый Шәрәфиев белән шул хакта гәпләшеп алдык. Ул миннән иң беренче, сезнең тирәдә чия куагы үсәме, дип сорады.

Нишләп мин кыш дигәндә, ул чия турында сөйли икән дигән идем, имәндә икән чикләвек: чия яфрагын коеп бетергәч кенә кышка керәчәкбез, ди.

- Кышны ноябрь уртасыннан гына көтәсе була. Ноябрь башында җылы көннәр булып ала әле. Әмма табигатьнең үз законы шул: көзнең иң ямьсез вакытына керәбез. Карлы-яңгырлар башлана, - диде ул.

Берочтан Әмир абыйдан кышның ничек киләчәген дә сорадым. Интернетта аномаль суыклар була дип сагайттылар бит.

- Каты суыклар декабрьдә дә булыр кебек. Тик кыска вакытлы салкыннар булачак ул. Гыйнварда, февральдә дәвамлы суыклар көтелә. Март башына да калачак әле ул, салкынлык 30 градуска кадәр җитәргә мөмкин, - дип фаразлады халык синоптигы.


Дилбәр Гарифуллина

http://shahrikazan.ru

 

______________________________________________________________________________________________________________________________________

 

Безнең инстаграммга кушыл ===>>> Instagram.com/trksabadulkynnary/

______________________________________________________________________________________________________________________________________

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: