Минтимер Шәймиев: Республика флагы уңышлы һәм игелекле эшләр байрагы булып тора

(Казан, 26 май, «Татар-информ», Эльвира Зәйнулина). Татарстан Республикасы флагы Рөстәм Миңнеханов җитәкчелегендә уңышлы һәм игелекле эшләр байрагы булды. Мондый фикерне Татарстан Дәүләт Киңәшчесе Минтимер Шәймиев «Республика Татарстан» газетасына биргән интервьюсында белдерде.

«Чыннан да, флаг ышанычлы кулларга тапшырылды. Хәзерге вакытта республика флагының уңышлы һәм игелекле эшләр байрагына әйләнүен генә өстәр идем», - диде ул.

Элегрәк, республика Президенты вазифасыннан китеп, Минтимер Шәймиев үзен һәрвакыт хыялланган эшенә — «Яңарыш» Республика фонды, полилингваль белем бирү үсешенә багышлау мөмкинлегенә ия булды.

ТР Дәүләт Киңәшчесе белән тулаем интервьюны «События» порталында укыгыз.