Министр Марат Әхмәтов җырлаган видеоролик социаль челтәрләрдә таралды

(Казан, 23 июль, "Татар-информ", Зилә Мөбәрәкшина). Татарстан Республикасы Премьер министры урынбасары – Татарстан Республикасы авыл хуҗалыгы һәм азык-төлек министры Марат Әхмәтов бер чарада татар халык җырын башкарган. Видеоролик социаль челтәрләрдә таралды.

Видеоны Инстаграм сәхифәсенә "Татарстан журналы" да урнаштырган.

"Минтимер Шәймиевкә кушылып, Марат Әхмәтов та җырлап җибәрде. Афәрин!" - диелгән видеода.

Марат Әхмәтов "Олы юлның тузаны" дигән җыр җырлаган. Халык та министрның җырлавын ошатып: "Менә бу тавыш! Йөрәк түреннән моң ургылып чыга. Җырның һәр сүзе аңлаешлы. Марат Әхмәтов бар яктан да килгән легендар шәхес", "Марат абый бик матур җырлый", - дигән сүзләр язган.

Фото: Салават Камалетдинов