Саба ТВ

Миңнеханов Яңа Чишмә районында хуҗалык җитәкчеләре белән язгы чәчү хакында сыйләште

ТР Президенты «Агро-Основа» җаваплылыгы чикләнгән җәмгыятенең җитештерү базасында төзелгән SGR50 ашлык киптерү комплексын карады.

(Казан, 14 май, «Татар-информ»). Татарстан Президенты Рөстәм Миңнеханов Яңа Чишмә районында хуҗалык җитәкчеләре һәм инвесторлар белән язгы кыр эшләренең барышы хакында фикер алышты. Бу хакта «Татар-информ» агентлыгына ТР Президентының матбугат хезмәтеннән хәбәр иттеләр.

Яңа Чишмә муниципаль районы башлыгы Вячеслав Козлов республика Президентын чәчү кампаниясенең барышы белән таныштырды. Аның сүзләренчә, районда быелгы ел уңышына бер гектарга 31,7 килограммга якын минераль ашлама тупланган, 12,4 мең гектар мәйданда – уҗымнар, 10 мең гектарда күпьеллык үләннәр тукландырылган.

Яңа Чишмә районы кырларында күпьеллык үләннәр, туңга сөрелгән һәм пар җирләре тырмаланган. Бөртекле культуралар 37,9 мең гектар мәйданда (планның 77 проценты) чәчелгән. Орлыклар белән тәэмин ителеш 8,5 мең тонна, яки 101 процент тәшкил итә.

«Агро-Основа» җаваплылыгы чикләнгән җәмгыятенең җитештерү базасында ТР Президентына SGR50 ашлык киптерү комплексы хакында сөйләделәр. Яңа җиһаз «Авыл хуҗалыгы производствосын техник һәм технологик яктан яңарту» программасы буенча сатып алынган. Комплекста азык-төлек һәм орлыкка дигән ашлыкны, шулай ук фураж һәм майлы культураларны киптерәчәкләр. Ашлык киптерү комплексының хезмәт итү вакыты – 10 ел.

 

 

______________________________________________________________________________________________________________________________________

 

Безнең инстаграммга кушыл ===>>> Instagram.com/trksabadulkynnary/

______________________________________________________________________________________________________________________________________

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: