Саба дулкыннары

"Мин инвалид, дип өйдә утырып булмый - эшләргә кирәк"

Арчада яшәүче 28 яшьлек Марат Миңнебаев тумыштан балалар церебраль параличы (ДЦП) белән авырса да, тулы канлы тормыш алып бара. Өстәвенә бик сәләтле егет. Элегрәк тактага яндырып рәсемнәр ясаса, бүген анда кеше исемнәре яза. Күптән түгел агач эшенә дә алынган.

Кечкенә чана, кашык, гөл чүлмәге аслыгы, пар күгәрченнәр ясый. Үзе яшәгән йорт ишегалдындагы кое, машина тәгәрмәчләреннән эшләнгән әкәм-төкәмнәр, казларга да сокланмый мөмкин түгел. 

 
— Мин — инвалид, дип өйдә утырып булмый, аяк-кул хәрәкәтләнгәндә, эшләргә кирәк, — ди Марат. — Эзләнүдән, уйланудан туктаганым юк. Максатчан кешемен. Башлаган эшне ахырга кадәр җиткерәм. 2016 елда тактага яндырып рәсемнәр ясый башладым. Узган ел балачак хыялым — агач эшенә алындым. Инде хәзер сувенир эшләнмәләргә күчтем. Шөгыльне яңартып торсаң яхшы... 
 
— Агач эшләнмәләрен сатасыңмы? 
— Юк, үзем өчен генә ясыйм. Сораучылар бар, бәлки, киләчәктә сата башлармын. Әлегә алар өебезне һәм ишегалдын бизәп тора. Машина тәгәрмәченнән ясаган казларны ак төскә буйыйм һәм алар җанланып киткән кебек була. Хәзер бөтен нәрсә бар, иренмәсәң, җырлый-җырлый әллә нинди сәнгать әсәрләре тудырырга мөмкин... 
 
 
 
 
 
 
 
 
 
 
  •  
  •  
  •  
  •  
  •  
  •  

Эльмира СӘЛАХОВА
Ирек мәйданы

Нравится
Поделиться:
Реклама
Комментарии (1)
Осталось символов:
  • 18 сентябрь 2018 - 14:18
    Без имени
    Молодец. Так держать , Ты- супер.