Саба дулкыннары

Маринадланган гөмбә

Биш елдан артык гөмбәне шушы рецепт буенча эшлим. Бик тәмле була.

Чистартылган гөмбәләргә су салып пешерергә куям, су кайнап чыгу белән тоз салам. 30-40 минут чамасы пешергәннән соң суын түгеп салкын су белән чайкатам һәм саркытам. 

Маринад өчен: 1 литр суга 8 аш калагы уксус (9℅), 2 аш калагы өеп шикәр комы, 1 аш калагы өеп тоз, 1 лавр яфрагы, 4 данә исле борыч , 4 данә кара борыч, 3 данә канәфер (артыгы кирәкми) салам.
 
Маринад кайнап чыгуга гөмбәләрне салам, 15 минутлап кайнатам һәм стерилизацияләнгән банкаларга тутырып ябам. 

Болай эшләгәндә бик тәмле була, аннары гел шушы рецепт белән генә эшли торган буласыз.
 
Автор: Резидә ФӘЙЗУЛЛИНА
Фото: Резидә Фәйзуллина
 

Нравится
Поделиться:
Реклама
Комментарии (0)
Осталось символов: