ТАССРның атказанган, халык, РСФСРның атказанган артисткасы, Татарстан Республикасының Габдулла Тукай исемендәге Дәүләт премиясе лауреаты Әлфия Авзалова бүген төнлә бакыйлыкка күчте. Казанның 7 нче хастаханәсендә яткан Әлфия апаның хәле кичә начарайган. Аңа 84 яшь иде.
Әлфия Авзалова белән хушлашу шимбә көнне, 17 июньдә, Казанның Павлюхин урамы 73 йорт адресы буенча Татар дәүләт филармониясендә узачак. 8:30да мәрхүмәнең җәсәде сәхнәгә чыгарылып, 10:00да хушлашу мәрәсиме башланачак.
Легендабыз Казандагы Яңа Татар бистәсе зиратында җирләнәчәк.
Безнең соц. челтәрләргә кушыл ===>>> Инстаграм, ТикТок
__________________________________________________________________________________________________________________________________
Иң мөһим һәм кызыклы язмаларны Татмедиа Telegram-каналында укыгыз
