Саба ТВ

Кукмара районы Манзарас авылында зиратны мәсхәрәләгән кешенең кем икәнен ачыклаганнар

Ул психиатрда исәптә торган Кукмара кешесе булып чыккан.

(Казан, 8 апрель, «Татар-информ», Рәмис Латыйпов). Кукмара районы Манзарас авылында чардуганнарга зыян салган кешенең кем икәнен ачыклаганнар. Бу хакта «Татар-информ» агентлыгына Кукмара районы башлыгы урынбасары Равия Кәримуллина хәбәр итте.

«Ул психиатрда исәптә торган 1971 елгы Кукмара кешесе булып чыкты», — диде Равия Кәримуллина. Ул кеше күптән түгел генә психиатрик клиникада дәваланып кайткан булган. Кирәкле чаралар күреләчәк, диде район башлыгы урынбасары.

Район башлыгы урынбасары әйтүенчә, инде кичкә зиратта тәртип урнаштырганнар. «Бу зиратта Советлар Союзы Герое Сабир Әхтәмов җирләнгән. 9 май алдыннан аның каберенә зыян салган булса, безгә аеруча күңелсез булыр иде. Бәхеткә аның каберенә тимәгәннәр», — диде Равия Кәримуллина. 

 

______________________________________________________________________________________________________________________________________

 

Безнең инстаграммга кушыл ===>>> Instagram.com/trksabadulkynnary/

______________________________________________________________________________________________________________________________________

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: