Күрәчәгең булса: Татарстанда 101 яшьлек әби утырган машина әйләнеп капланган [+фото]

автор, 10 август 2017 - 05:03

697

Бөгелмәдә җиңел машина юл читенә төшеп каплану аркасында өч кешенең сәламәтлегенә зыян килгән. Бу хакта "Татар-информ" агентлыгына Россия Гадәттән тыш хәлләр министрлыгының Татарстан буенча Баш идарәсе матбугат хезмәте җиткерде.

Күрәчәгең булса: Татарстанда 101 яшьлек әби утырган машина әйләнеп капланган [+фото]

Һәлакәт турындагы хәбәр 112 коткару хезмәтенә кичә көндез килеп ирешкән, дип яза Татар-информ. "Мерседес" автомобиле белән идарә иткән 35 яшьлек хатын-кыз идарәне югалта һәм машина юл читенә каплана.

Юл-транспорт һәлакәте аркасында 35 яшьлек хатын-кыз, 28 яшьлек ир-ат һәм 101 яшьлек әби-карчыкның сәламәтлегенә зыян килгән. Аларның сәламәтлегенә җиңелчә зыян килгән, дип бәяләнә.