Саба ТВ

Коронавирус аркасында җәмәгать транспортында йөрүдән тыелып торырга киңәш итәләр

Кулланучылар хокукларын яклау һәм кеше иминлеге өлкәсендә күзәтчелек федераль хезмәте авыруны профилактикалау өчен, гаджетларны ешрак дезинфекцияләргә, кул биреп исәнләшмәскә куша.

Яңа типтагы коронавирус таралу куркынычы булу сәбәпле, Татарстан халкын пик-сәгатьләрдә җәмәгать транспортында йөрүдән һәм кеше күп була торган урыннарда булмаска киңәш иттеләр. Бу хакта Кулланучылар хокукларын яклау һәм кеше иминлеге өлкәсендә күзәтчелек федераль хезмәтенең ТР идарәсе матбугат хезмәте хәбәр итә.

«Җәмәгать урыннарында: сәүдә үзәкләрендә, спорт һәм тамаша чараларында, пик сәгатендә транспортта булудан тыелыгыз», — диелә хәбәрдә.

Авыруны профилактикалау өчен, гаджетларны ешрак дезинфекцияләргә, кул биреп исәнләшмәскә киңәш итәләр.

Мәскәүдә коронавирус инфекциясе йоктыруның өч яңа очрагы ачыкланды. Авыруның симптомнары гриппны хәтерләтә: температура күтәрелә, баш авырту, ютәл һәм сулыш алу авырая.

Фото:архив/Владимир Васильев

https://tatar-inform.tatar/

 

______________________________________________________________________________________________________________________________________

 

Безнең инстаграммга кушыл ===>>> Instagram.com/trksabadulkynnary/

______________________________________________________________________________________________________________________________________

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: