Казанның 16 объектында шартлаткыч җайланмалар куелганлыгы турында хәбәр иттеләр

(Казан, 16 сентябрь, «Татар-информ»). Казанда билгесез кешеләр 16 объектта шартлаткыч җайланмалар куелганлыгы турында хәбәр иткән, дип белдерде «Татар-информ»га ашыгыч хезмәттә эшләүче чыганак.

Көн дәвамында ашыгыч хезмәт телефоннарына биналарга шартлаткыч җайланмалар куелган дигән хәбәр килгән.

Искәртеп узыйк, «Татар-информ» Казанның өч сәүдә үзәгендә кешлеләрне эвакуацияләү турында хәбәр иткән иде. Соңрак «Сөләйман-палас» отелендәге кешеләрне дә эвакуацияләгәннәр.

«Татар-информ» чыганагы мәгълүматы буенча, барлыгы Казанның 16 объектында шартлаткыч җайланмалар куелуы турында хәбәр килеп ирешкән, алар арасында берничә кунакханә дә бар.

Һәрбер бинадан кешеләр эвакуацияләнгән, объектларны полиция хезмәткәрләре һәм кинологлар тикшерә.