Саба ТВ

Кемероводагы янгында зыян күрүчеләргә түләнәчәк пособие күләме билгеле

Янгында һәлак булучыларның гаиләләренә - 1 миллион, зыян күрүчеләргә 200-400 мең сум күләмендә пособие түләнәчәк.

(Казан, 27 март, «Татар-информ»). РФ Хөкүмәте Кемерово шәһәренең «Зимняя вишня» сәүдә-күңел ачу үзәгендәге янгында зыян күргән гражданнарга пособие түләү өчен 76 миллион сум акча бүлеп бирде. РФ Хөкүмәте башлыгы Дмитрий Медведев имзалаган шул хактагы карар Россия Министрлар Кабинеты сайтында урнаштырылган.

Документ нигезендә, янгында һәлак булучыларның гаиләләренә - 1 миллион, зыян күрүчеләргә 200-400 мең сум күләмендә пособие түләнәчәк.

Кемерово өлкәсе хакимиятенә зыян күргән гражданнарга, шулай ук янгында һәлак булганнарның гаилә әгъзаларына өстәмә пособие түләргә киңәш ителгән.

25 мартта Кемерово сәүдә үзәгендә чыккан янгында 60тан артык кешенең гомере өзелде.

 

______________________________________________________________________________________________________________________________________

 

Безнең инстаграммга кушыл ===>>> Instagram.com/trksabadulkynnary/

______________________________________________________________________________________________________________________________________

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: