Казанда машина йөртүчеләргә һәм кондукторларга хезмәт хакы түләү системасын үзгәртәчәкләр

Казанда Машина йөртүчеләр һәм кондукторлар хезмәте өчен түләү системасын үзгәртәчәкләрю Бу хакта TatCenter Порталында Казан Башкарма комитетының Транспорт комитеты җитәкчесе Айдар Габделхаковка сылтама белән хәбәр ителә.

Җәмәгать транспорты хезмәткәрләренә хезмәт хакы план үтәлеше һәм пассажирлар санына карап түләнеләчәк. Шулай ук рейсларның расписание буенча йөрүе дә исәпләнәчәк.

Әлеге тәкъдимне Башкарма комитет җитәкчесе Денис Калинкин хуплады. Аның сүзләренә караганда, машина йөртүчеләрнең хезмәт хакын исәпләү системасын үзгәртү генә Казан юлларында җәмәгать транспорты белән хәлне төзәтергә сәләтле түгел, комплекслы чаралар кирәк. 

Фото: https://pixabay.com | naeimasgary

https://tatar-inform.tatar