Саба ТВ

Саба районы

16+
Радио һәм телевидение яңалыклары

Казанда чүп-чарны аерым җыю савытларына рус һәм татар телләрендә мәгълүмат язачаклар

Авиатөзелеш районында август башыннан сынау режимында чүп-чарны аерым җыю системасын гамәлгә кертәчәкләр.

Казанның Авиатөзелеш районында куелачак  чүп-чарны аерым җыю савытларына рус һәм татар телләрендә мәгълүмат язачаклар. Казан мэриясендә узган эшлекле дүшәмбе киңәшмәсендә Башкарма комитет җитәкчесе урынбасары Искәндәр Гыйниятуллин шул хакта хәбәр итте.

Биредә август башыннан сынау режимында чүп-чарны аерым җыю системасын гамәлгә кертәчәкләр. 109 мәйданчыкта чүп-чарны аерым җыю өчен 428 контейнер урнаштырачаклар. Аларның һәркайсында рус һәм татар телләрендә мәгълүмат урын алган төсле наклейкалар ябыштырылачак, диде Гыйниятуллин.

 

Әйтик, сары наклейкалы контейнерлар сәнәгый эшкәртү өчен яраклы коры калдыклар (газеталар, пыяла банкалар, полиэтилен пакетлар), соры төстәгеләре исә дымлы калдыклар (азык-төлек, реклама буклетлары, кием-салым) өчен билгеләнгән, дип хәбәр итте Казан Башкарма комитеты җитәкчесе урынбасары.

Реклама

Куркыныч калдыклар (батарейкалар, градусниклар) өчен 10 экобокс урнаштыру күздә тотыла.

Фото: Салават Камалетдинов

Следите за самым важным и интересным в Telegram-каналеТатмедиа

 

 

Безнең Вконтаке челтәренә языл! 

Кызыклы яңалыкларны күзәтеп бару өчен Телеграм каналга язылыгыз

 

 

 

Реклама

Оставляйте реакции

0

0

0

0

0

К сожалению, реакцию можно поставить не более одного раза :(
Мы работаем над улучшением нашего сервиса

Нет комментариев