Исерек йөртүчеләрне катырак җәза көтә

автор, 9 февраль 2018 - 08:22

716

Исерек килеш рульгә утырган машина йөртүчеләргә катырак җәза бирә башларга мөмкиннәр. Россия Эчке эшләр министрлыгы аларны дүрт елга кадәр ирекләреннән мәхрүм итәргә тәкъдим итә.

Моннан тыш проект авторлары исерек килеш машина йөртүчеләргә штраф күләмен дә 500 мең сумга кадәр арттырмакчы. Министрлык мәгълүматларына караганда, узган елның 11 аенда Россия юлларында исерек машина йөртүчеләр гаебе белән килеп чыккан 15 меңләп юл һәлакәте теркәлгән.