Саба дулкыннары

Иркутск өлкәсендә агач урлаган караклар урлаганнарын яшерер өчен урманнарга ут төрткән

Иркутск өлкәсендә урманнарга махсус рәвештә ут төрткәннәр. Законсыз рәвештә урман кисүчеләр шул рәвешчә караклыкларын яшермәкче булган. Бу хакта Генераль Прокуратура хәбәр итте.

"Урман кискән урыннарны ныграк контрольдә тотарга, аеруча законсыз кисүләргә юл куймаска кирәк. Без шундый фактларны Иркутск өлкәсендә ачыкладык, анда янгыннар белән законсыз урман кисүләрне яшереп калырга теләгәннәр булса кирәк", - диде РФ Генераль Прокуратурасы рәсми вәкиле Александр Куренной.

Генераль прокуратура элегрәк Иркустк өлкәсе җитәкчелегенең урман янгыннары мәйданнарын киметеп күрсәтүе хакында хәбәр итте. Ялган мәгълүмат килү аркасында тиешле чаралар кабул ителмәгән.

Берничә ай элек Иркутск өлкәсенең урман комплексы министры Сергей Шеверда кулга алынды. Ул "Туколонь" дип аталган тыюлыкта урман кисүдә гаепләнә. Министр урманны кисүләрен белә торып бернинди чаралар да күрмәгән. Тикшерүчеләр фикеренчә, урман урлауга аның да катнашы бар.

Иркутск өлкәсе, Красноярск крае, Бурятия һәм Якутиядә урман янгыннары булу сәбәпле гадәттән тыш хәл игълан ителде. Янган урман мәйданнары 2,3 миллион гектр тәшкил итә. Хәзерге вакытта урманнарны 10 мең кеше сүндерә, аларга 3 мең техника һәм 86 самолет һәм вертолет бирелгән. Шул исәптән, Оборона министрлыгы самолетлары 8,1 миллион тонна су сипкән. 

МЧС мәгълүматлары буенча, урман янгыннарының төп сәбәбе - ут белән саксыз эш итү.

 

https://intertat.tatar/

Нравится
Поделиться:
Реклама
Комментарии (0)
Осталось символов: