Саба ТВ

Инвалид балалы әти-әниләр салымнан азат ителә

Казанның инвалид балалы әти-әниләре физик затлар милкенә булган салымнан азат ителде. Тиешле карар бүген XXII Казан шәһәр думасы утырышында кабул ителде.

Бу хакта "Татар-информ" яза.
Физик затлар милкенә булган салым җирле санала һәм ул тулаем муниципалитет бюджетына керә. Ташламалы салым практикасы бүгенге көндә Волгоград, Уфа һәм Красноярскида эшләп килә, дип билгеләп үтте Казан башкарма комитетының Финанс идарәсе җитәкчесе Ирек Мөхәммәтшин.
Казанның инвалид балалы әти-әниләрен физик затлар милкенә булган салымнан азат итү карарын Казан шәһәр думасы депутатлары бертавыштан кабул итте. Шәһәр халкы әлеге ташлама белән 2018 елның 1 гыйнварыннан 2017 ел салымнары буенча бурычлары булмаган очракта файдалана алачак.
Ташлама бер объектка гына бирелә. Бу фатир яисә торак йорт, гараж яисә машина кую урыны булырга мөмкин. 2018 елда бюджетка бу уңайдан 12 млн сум акча керми кала һәм аз сумма түгел, дип билгеләп үтте Мөхәммәтшин.
Инвалид балалы әти-әниләр милеккә салымнан азат ителү шартлары турында Казанның җирле үзидарә рәсми порталында таныша ала. Аңлатма алу өчен Казан башкарма комитетының Финанс идарәсенә яки яшәү урынында теркәлү буенча җирле салым оешмасына мөрәҗәгать итәргә була.

    ---
    Матбугат.ру

     

     

    Безнең соц. челтәрләргә кушыл ===>>> Инстаграм, ТикТок

    __________________________________________________________________________________________________________________________________

     

    Иң мөһим һәм кызыклы язмаларны Татмедиа Telegram-каналында укыгыз


    Нравится
    Поделиться:
    Реклама
    Комментарии (0)
    Осталось символов: