Саба ТВ

"Халкың? Ә ул бүген һәрбер чатта, әнә, исәплидер синең "биштәр хакы"н" - Ландыш Габдрахманова Илфак Шиһаповка багышлап ШИГЫРЬ язган

Шагыйрә Ландыш Габдрахманова Илфак Шиһапов белән дус иде. Шуңадыр да Илфакның үлеме шигъри юлларга ятмый калмагандыр. "Иңемә биштәрне салып мин юлга чыгам бүген..." Илфак Шиһаповның әлеге юллары шигырьгә эпиграф итеп алынган.

Син киттең дә...
Хәер,
Берни үзгәрмәде...
Һаман җилле бездә... Салкын.
Халкың?
Ә ул бүген һәрбер чатта, әнә,
Исәплидер синең "биштәр хакы"н:
Күпме гөнаһ анда? Күпме савап? Ялгыш?
Барысы да гади , юкса-
Я-з-м-ы-ш!
Ә аңардан бер карыш та узып булмаганны
Беркем дә соң әллә тоймаганмы?
Әниеңнең күзләренә карау җитә-
Аңлар өчен яшәү хакын!
Син киттең дә....
Һаман яңгыр бездә...
Салкын...

---
Матбугат.ру

 

______________________________________________________________________________________________________________________________________

 

Безнең инстаграммга кушыл ===>>> Instagram.com/trksabadulkynnary/

______________________________________________________________________________________________________________________________________

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: