Элвин Грейны сәхнәгә исерек килеш чыгуда гаеплиләр

Бу хакта Миякә районы төркемендә язалар.

"Матбугат.ру"га билгеле булганча, Элвин Грейны концерт карарга җыелган халыкны хөрмәт итмәүдә гаеплиләр. «Мактагач, беренче тапкыр концертына килдем. Ә монда шундый хәл. Минемчә, хөрмәт итмәү. Кешеләр ял итәргә килгән, шушының өчен түләгән», — дип яза кайберләре.

Радик катнашындагы бу беренче гауга гына түгел инде. Моңа кадәр Элвин Грейның пистолеттан атуы шау-шу куптаруын яздык. Күптән түгел генә Башкортстан башлыгы Радий Хәбировның тормыш иптәше дә җырчыга карата ризасызлыгын белдергән иде.