Саба ТВ

Дәүләт Думасы өч яшькә кадәр бала пособиесын түләү турында закон кабул итте

Үзгәрешләр беренче яки икенче баласы туган гаиләләрнең 70 процентына кагылачак.

Дәүләт Думасы гаиләләрнең күбесенә беренче яки икенче балага айлык түләүләр алырга мөмкинлек бирә торган закон кабул итте. Бу турыда РИА Новости хәбәр итә.

Хәзер мондый хокук төбәктә җан башына уртача керем күләме эшкә яраклы халыкның яшәү минимумыннан 1,5 тапкыр артмаган гаиләләрдә генә бар.

Яңа документ нигезендә мохтаҗлар дип керемнәре әлеге күрсәткечнең күләменнән ике тапкыр түбәнрәк булган гаиләләр саналачак.

Моннан тыш, законда беренче яки икенче бала тууга бәйле рәвештә ай саен бирелә торган түләү вакытын арттыру тәкъдим ителә: башта бер яшь тулганчы, ә гариза биргәннән соң - ике һәм өч яшькә кадәр.

 

Шулай ук законда баланың туган көненнән соң түләү турында гариза бирергә мөмкин булган вакытның артуы турында да әйтелә. Хәзер бу - 1,5 яшь, ә аннары 3 яшь булачак.

Дәүләт Думасы спикеры Вячеслав Володин сүзләренчә, бу үзгәрешләр беренче яки икенче баласы туган гаиләләрнең 70 процентына кагылачак.

Фото: https://pixabay.com

https://tatar-inform.tatar

 

______________________________________________________________________________________________________________________________________

 

Безнең инстаграммга кушыл ===>>> Instagram.com/trksabadulkynnary/

______________________________________________________________________________________________________________________________________

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: