Данир Сабировның концертыннан төнлә меңгә якын кеше эвакуацияләү сәбәбе билгеле (ВИДЕО)

автор, 19 декабрь 2019 - 09:03

839

Кичә кич Казанда «УНИКС» концертлар залы бинасыннан меңгә якын кешене эвакуацияләгәннәр. Билгесез кеше телефоннан шалтыратып, бинага бомба куелу турында хәбәр иткән.

Данир Сабировның концертыннан төнлә меңгә якын кеше эвакуацияләү сәбәбе билгеле (ВИДЕО)

Бу турыда «Татар-информ» агентлыгына шаһитлар сөйли.

«УНИКС» мәдәни-спорт комплексы бинасында шартлаткыч җайланма булуы турында хәбәр Данир Сабиров концертында тәнәфес вакытында килгән. Комплекска оператив рәвештә барлык экстрен хезмәтләр җыелган.

Бинадан меңгә якын кешене һәм 150 хезмәткәрне чыгарганнар.

Гадәттән тыш хәлнең сәбәпләре ачыклана.

Данир Сабиров концерт өзелгән өчен гафу үтенгән. «Бер дошманымдыр инде. УНИКСта шартлаткыч куйдык дип шалтыратканнар. Телефоны хәзер „недоступен“. Бөтен халыкны чыгардылар. Фотога төшәбез. Концерт барыбер булачак. Саперлар эшләп бетергәч, керәчәкбез. Гафу үтенәм көтелмәгән хәл килеп чыкканга. Булачак», — ди җырчы һәм юмор остасы.