Саба дулкыннары

Чаллыда 17 яшьлек студент югалган

Чаллыда яшәүче 17 яшьлек егет югалган. Бу турыда "Челнинские известия" сайты хәбәр итте.

Чаллы шәһәрендәге көллияттә укучы Семен Захаров 26\08 йортындагы фатирда яши. Кичә ул өеннән чыгып киткән һәм әйләнеп кайтмаган. Хәзерге вакытта Семенның телефоны да эшләми.

Егетнең әнисе улын эзли. Ул кичә кичке уннар тирәсендә полициягә мөрәҗәгать иткән. Бу хатын улы белән каты талашкан булган. Шуннан соң егет өйдән чыгып киткән.

Әнисе сүзләренчә, Семен моңа кадәр ишекне шапылдатып чыгып киткәне булгалаган.

Семен турында мәгълүматы булган һәркемне шәһәре буенча Эчке эшләр министрлыгы идарәсенә 02 номерына шалтыратырга сорыйлар.

 

Фото: pixabay.com
 

 

Нравится
Поделиться:
Реклама
Комментарии (0)
Осталось символов: