Бөтен дөньяга танылган Бөгелмә җанатары Альберт Кәримов — Олимпиадада үзе күргән хикмәтләр турында

Олимпиадада «Бугульма» дип язган Рәсәй флагын тоткан җанатар социаль челтәрләр аша хәзер бөтен дөньга танылды. Кем соң ул? Бу җанатар - Бөгелмә шәһәреннән булган Альберт Кәримов, «ГКС» предприятисе Бөгелмә филиалы директоры. //Бизнес Онлайн//

Альберт Кәримовның бу флагы белән Олимпиада уеннарына беренче генә баруы түгел. «Бу Олимпиада минем өченчесе: Ванкувер, Сочида да булдым,» - дип белдерде ул.

«Мондый флаг белән булу бернинди дә проблемалар тудырмый. Спортчыларга Россия флагын күтәрергә ярамаса да, җанатарларга бернинди каршылыклар юк.»

«Россия җанатарлары арасында иң күпләре - Дальний Востоктан. Бу аңлашыла да: Көньяк Кореягә ике генә сәгать очасы бит».

Альберт Кәримов сүзләренә караганда, Олимпиадада «Русский дом» исемле мәйданчык та бар икән. Монда спортсменнар бик теләп килә, Тула шәһәре прәнекләреннән һәм пылаудан авыз итә, ди.

Альбер Кәримовка Сочида оештырылган Олимпиада уеннары күбрәк ошаган. Пхенчханда спорт объектлары бер-берсеннән бик ерак урнашкан, 30 сәгатьләп транспортта барырга кирәк. Ә менә җирле халык кунакларны бик теләп каршы ала.

Олимпиадага бару һәм анда яшәү нинди бәягә төшә?

Мәскәү-Сеул арасы билеты бер якка 18 мең сум. Отельдә яшәү өчен тәүлегенә 8-10 мең сум. Матчларга билет бәясе 4-6 мең сум.

Фотолар «Бизнес Online» сайтыннан алынды.

http://tatar-today.ru