Саба ТВ

Биш айлык бала белән ананы крокодил су астына алып киткән

Һәлак булган хатынның икедән ун яшькә кадәрге өч баласы ятим калган.

Африкадагы Уганда илендә кечкенә бала белән хатынны крокодил су астына өстерәп алып кереп киткән. Бу турыда The Daily Monitor басмасына сылтама белән, РИА Новости хәбәр итте.

Биш айлык баласы белән ана Альберт күленә суга барган. Күл тирәсендәге кешеләр крокодил килгәнен күреп, качып өлгергән.

“Җирле халык хатынны коткарырга тырышты. Ләкин аларның тырышлыгы файда китермәде. Крокодил хатын гәүдәсе белән су астына кереп китте”, - дип сөйләгән бу хәлне күреп торган кеше.

Хатынның һәм баланың мәетләрен тапмаганнар. Һәлак булган ананың икедән ун яшькә кадәрге өч баласы ятим калган, диелгән әлеге хәбәрдә.

 

Фото: pixabay.com

https://intertat.tatar

 

 

Безнең соц. челтәрләргә кушыл ===>>> Инстаграм, ТикТок

__________________________________________________________________________________________________________________________________

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: