Саба ТВ

Билалетдинов: "Ак Барс" уенчыларына ике тапкыр рәттән оттыру оят булырга тиеш

Казан хоккейчылары "Витязь" командасына оттырды.

(Казан, 22 гыйнвар, "Татар-информ"). Казанның "Ак Барс" хоккейчыларына ике тапкыр оттыру оят булырга тиеш. Кичә үз бозында "Витязь" клубына оттырганнан соң "Ак Барс" командасы баш тренеры Зиннәтулла Билалетдинов матбугат конференциясендә шундый фикер җиткерде.

"Казанда рәттән ике җиңелү оятмы, дисезме? Уенчыларга оят булырга тиеш. Бу хакта сөйләшәбез. Моны аңларга кирәк", - диде Зиннәтулла Билалетдинов.

"Ак Барс" кичә үз бозында КХЛның даими чемпионаты кысаларында Мәскәү өлкәсенең "Витязь" командасына оттырды - 0:2. Кунаклар алкаларны икенче һәм өченче периодта кертте.

"Без "Витязь" командасының сагын үтеп керә алмадык. Күплектә уйнау нәтиҗәсе дә аксый", - диде Билалетдинов.

Исегезгә төшерәбез, "Ак Барс" 19 гыйнварда үзендә "Слован" командасына оттырган иде (2:4).

23 гыйнварда "Ак Барс" үз бозында ЦСКА белән уйный.

 

______________________________________________________________________________________________________________________________________

 

Безнең инстаграммга кушыл ===>>> Instagram.com/trksabadulkynnary/

______________________________________________________________________________________________________________________________________

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: