“Балкыш”социаль тернәкләндерү бүлегендә әдәби сәгате

13 январь көнне татар шагыйрәсе, драмматургы, күп җырлар авторы, Г. Тукай исемендәге ТР Дәүләт бүләге иясе - Гөлшат Зәйнашеваның тууына 90 ел тулды. Китапханә мөдире Садыйкова Г. аның тормыш юлы һәм иҗаты белән таныштырды, "Ялгыз хатын турында баллада", шигырьләре укылды, Г.Зәйнәшева сүзләренә иҗат ителгән И.Шакиров һәм Х.Фархи башкаруында "Туган җирем Татарстан», «Карлар ява» җырлары яңгырады, шулай ук «Тыңларсызмы җырларымны?" дигән электрон презентация күрсәтелде. Китапханәнең уку залында аңа багышланган китап күргәзмәсе оештырылды. Масса күләм чаралар оештыру белгече Вәлиева Алия Магфүр кызы тарафыннан Г.Зәйнәшева сүзләренә язылган җыр башкарылды.