Саба дулкыннары

Августта һава торышы нинди булачак - синоптиклар фаразы

"Российская газета" Гидрометцентрның озак вакытлы фаразлар бүлеге мөдире Владимир Тищенко белән август аена фаразлар турында сөйләшкән.

Россиянең Европа өлешендә августта күпьеллык нормаларга якын һава торышы көтелә. Мәскәүдән көньяктарак зонада, Түбән Новгород һәм Казанда салкынрак һава торышы булыр дип көтелә - нормага караганда бер градуска түбәнрәк. Синоптик моны аномалия дип атаган.
 
Кырымда һәр елдагыча һава торышы көтелә.
 
Мәскәү өчен уртача температура +16,5 градус (көндез +20-23, төнлә +10-13 градус). Севастопольдә бу +21, 8 градус (көндез +25-28, төнлә +16­-19 градус).

Россиянең Азия өлешендә температура күпьеллык нормалардан югарырак булачак. Уралда, Якутиянең көнчыгышында, Амур өлкәсе, Хабаровск крае, Магадан өлкәләрендә август җылырак булачак. Красноярск крае, Иркутск, Тывада - киресенчә, түбәнрәк. 
 
Мурманск, Үзәк федераль округның көньяк-көнчыгышы, Кырымда, Бурятиядә, Хабаровскида, Якутиянең төньягында, Магаданда, Чукоткада яңгырлар азрак булачак. Төньяк көнчыгыш округның көнбатышында, Каспий диңгезе буенда, Идел буе округының көньяк өлешендә, Уралда, Красноярск крае, Якутиянең көньягында яңгырлар күбрәк булачак. 
 
Фото: pixabay.com
 

Нравится
Поделиться:
Реклама
Комментарии (0)
Осталось символов: