23 февраль - Ватанны саклаучылар көненә багышланган конкурс нәтиҗәләре.

автор, 23 февраль 2017 - 06:12

Шигъри конкурс:

1 урын: Гөлнара Нургаязова (Тимершык авылы)

СОЛДАТ ХӘТЕРЕ...

Һәр ел саен, февраль якынлашкач,
Хәтирәләр телә бәгырен.
Туган йортларыннан читкә киткәч,
Кем белә соң солдат кадерен?

Һич онытмый: армиягә дигән
Повестканы тотып кайтканын.
Сөйгән ярын кочагына кыскач,
Сизмәде дә таңның атканын.

Әти-әни фатихасын алып,
Иртәгесен чыгып киттеләр.
Иптәшләре белән кочаклашып,
"Авыл көе"н җырлап үттеләр.

Муенына тезгән яулыкларны
Болгады ул кулы талганчы.
Тау башына җитеп, туган авылы
Күренмәслек булып калганчы.

Әнисенең яшьле күзкәйләрен
Җилләр инде ерак алдылар.
Күз алдында алар ике елга
Он(ы)тылмаслык булып калдылар.

Военкомат ишек алларында,
Шеренгага алар тезелде.
Туган яклар, райондашлар белән
Бик озакка юллар өзелде.

Дулкынланып торган чәчләре дә
Пеләш башка хәзер әйләнде.
Дед-солдатлар, әллә кемнәр кебек
Тик торганда килеп бәйләнде.

Әни бәлешләрен алыштырды -
Кәбестәнең тонык шулпасы.
Авыр шинельләрдән йөгергәнне,
Һичкенә юк инде он(ы)тасы.

Солдат киемнәрен, минут санап,
Ничә тапкыр киеп-саласы.
"Марш-бросок" дигән приказларны
Килми хәзер искә аласы.

"Отбой"лары көтеп алынса да,
"Подъём"ына килми торасы.
Килә иде кайчак командирның
Авыз-колакларын борасы.

Казарманың пычрак идәннәрен
Юган чаклар һаман исләрдә...
...Иң рәхәте - туган яктан килгән
Хатлар уку иде кичләрдә!...

Җиде йөз дә утыз көнне солдат,
Минутларны санап уздырды.
Ничә күн итекнең баш(ы)на җитте,
Күпме портянкалар туздырды.

Сагындырды, бик-бик сагындырды,
Туган яклар керде төшләргә...
...Авылына кайтып җитте әнә...
Ниләр көтә??? Белмим. Нишләргә???

Туган йорты. Каршы алырга дип,
Бар туганнар килгән җыелып.
Әни елый... Әнә сөйгән кызы,
Көчкә генә тора тыелып.

Ул тешләгән ипи кисәккәен,
Куйган булган, ана, сакларга.
Шул телем бит аны исән-имин
Алып кайткан туган якларга.

...Еллар узды. Саг(ы)нып көтеп алган
Сөйгән яры әл(е)дә янында...
...Һәр ел саен, февраль якынлашкач,
Хәтирәләр кайный җанында.

2 урын: Латипова Лилия Данил кызы (Саба районы Сатыш авылы)

Әти-әни, туган йортны,

Сөйгән ярны калдырып.

Китеп бардым ерак илгә,

Яшьли мин солдат булып.

Сиксән дуртнең матур язы,

Алмагач чәчәк аткан.

Әнкәй моңсу каршы алды,

Кулына бер хат тоткан.

Улым, җаным, военкомат

Чакыра сине иртән.

Килергә кушып язылган,

Менә монда хат килгән.

Укыдым да, тыгып куйдым,

Чакыруны кесәмә.

Танцыдан соң сүз кузгалттым,

Даниям белән бергә.

Әкрен искән салмак җилдән,

Бөркелә шомырт исе...

Яшь йөрәкне берләштерә,

Көчле мәхәббәт хисе.

"Армиягә чакырганнар,

Иртэгэ китәм!"- дидем.

Тәгәрәгән күз яшьләрен,

Әкерен генә сөрттем.

Гөрли озату кичәсе,

Күпме таныш, дус килгән.

Ике елга аерылып,

Армиягә мин китәм.

Каршы алды капитан,

Каршы алды казарма.

Ике елга туган йортны,

Алыштыра алырмы?

Миловице матур шәһәр,

Чехиянең читендә.

Яңа таныш, дуслар була,

Хәзер дөнья чигендә.

Бер-бер артлы марш-бросок,

Кулга автомат алдык.

Өскә шинель, берцы киеп,

Ватан сагына бастык!

Еллар уза, тик көттереп,

Көзләрдән соң яз килә.

Хатлар алып, җавап язып,

Кайтыр вакыт та җитә.

Онытмагыз, курыкмагыз,

Без бит илнең сакчысы.

Тыныч күкне, матур тормыш,

Хатын-кызга бирүче!

Үтәп кайттым бурычымны,

Хезмәт итеп илемә.

Горурланып бәйрәм итәм,

Гаиләм белән бергә!

3 урын: Гарифуллина Фәридә (Эзмә авылы)

Кечкенәдән солдат булып,

Уйный - уйный үсте буй.

Чын солдат булам мин! - диеп,

Башка килде бит бер уй.

Әти - әни белән киңәшеп,

Киттем военкоматка.

Армиягә барам мин! - дим,

Атланам "тимер атка".

Ныклап , әйбәтләп тикшергәч,

Ризалыклар бирделәр.

Туган илне сакларга,

Егет әзер! - диделәр.

Менә шуннан соң башланды,

Минем солдат хезмәте.

Көне - төне өйрәнүләр,

Командирлар - хөрмәте....

Шинель киеп, мылтык асып,

Марш - бросокка басып,

Чын "Аҗаган" уйныйбыз.

Авырлыклар күп булса да,

Өйрәнүдән туймыйбыз.

Кичен казармаларда,

Хат язабыз утырып.

Туган йортны, сөйгән ярны,

Сагынуыбызны - тутырып...

Төне буе сакта торып,

Туган илне уйлыйбыз.

Без - илебез горурлыгы,

Тыныч булыгыз! - дибез.

"Без Ватан сагында" фотоконкурс.

1 урын: 1. Юсупов Ришат Рафиз улы - 2014 ел вокзалда каршы алу (198 тавыш 32,5%)

(1989 елда туган, Байлар Сабасында яши)

2. Шамсутдинов Фанис Инсафетдин улы - Әфганстан, 1987-1989 еллар.

(109 тавыш 17,9%)

(Байлар Сабасында яши)

3. Хәбибуллин Булат Ринат улы - Хабаровск, 2014 ел. (86 тавыш 14,1%)

Безнең Вконтаке челтәренә языл!

Кызыклы яңалыкларны күзәтеп бару өчен Телеграм каналга язылыгыз

Иң мөһим һәм кызыклы язмаларны Татмедиа Telegram-каналында укыгыз

Нравится

Комментарии (0)

© 2011 - 2022. . Все права защищены.
© ТАТМЕДИА. Все материалы, размещенные на сайте, защищены законом.
Перепечатка, воспроизведение и распространение в любом объеме информации,
размещенной на сайте, возможна только с письменного согласия редакций СМИ.
При поддержке Республиканского агентства по печати и массовым коммуникациям «ТАТМЕДИА».
Наименование СМИ: Саба ТВ
№ свидетельства о регистрации СМИ, дата: ЭЛ № ФС 77 - 69864 от 29.05.2017г.
выдано Федеральной службой по надзору в сфере связи,
информационных технологий и массовых коммуникаций
ФИО главного редактора: Мубаракова Альфия Галимзяновна
Адрес редакции: 422060, РТ, Сабинский район, п.г.т. Богатые Сабы, ул. З.Юсупова, 26
Телефон редакции: 8(84362)2-43-11

Электронный адрес редакции: sabatv@rambler.ru
Почта филиала для сообщений о фактах коррупции: sabatv@rambler.ru

Учредитель СМИ: АО «ТАТМЕДИА»
Политика о персональных данных
Антикоррупционная политика

Телефон АО «ТАТМЕДИА»: (843) 222 09 84

16+