(Казан, 22 август, «Татар-информ»). Татарстанның Гидрометеорология һәм әйләнә-тирә мохитне күзәтү идарәсе хәбәр иткәнчә, 22 августта республикада алмашынучан болытлы һава торышы саклана, төнлә явым-төшемнәр көтелми.
Республикада көндез урыны белән кыска вакытлы яңгыр, яшен булуы ихтимал. Төнлә һаваның минималь температурасы - +11..+16, көндез максималь температура - +25..+30 градус булачак.
Казанда шулай ук алмашынучан болытлы һава торышы хакимлек итә, явым-төшем көтелми. Көньяк-көнчыгыштан уртача тизлектә җил исәчәк. Төнлә - +14..+16, көндез +27..+29 градус җылы була, дип фаразлый синоптиклар.
Татарстанда 23 августта - +27..+32, 24 августта +28..+33 градус җылы булачак.
Нет комментариев