Саба ТВ

20 яшьлек ана баласын тәрәзәдән ыргыткан

Җинаять кылганнан соң, исерек хатын йокларга яткан.

Карелиядә яшәүче 20 яшьлек ана нәни баласын тәрәзәдән ыргыткан. Бу турыда Тикшерү комитетына сылтама белән РИА Новости хәбәр итте.

Тикшерү фаразлавынча, 26 октябрьдә Калевалевский районының Боровой бистәсендә нәни баланы әнисе икенче этаждагы балконнан ыргыта. Шуннан соң бу хатын йокларга ята.

Бала исән кала. Сабый елаганын күршеләр ишетеп ала. Туңып өшегән һәм бите имгәнгән сабыйны хастаханәгә озаталар.

20 яшьлек хатынга карата җинаять эше ачылган. Аны «нәни баланы үтерергә җыену» маддәсе буенча гаеплиләр.

Җинаятьтә шикләнелүче хатынны кулга алганнар, диелгән әлеге хәбәрдә.

 

Фото: Рамил Гали

https://intertat.tatar/

 

 

Безнең соц. челтәрләргә кушыл ===>>> Инстаграм, ТикТок

__________________________________________________________________________________________________________________________________

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: