Саба дулкыннары

1 августтан арттырылган пенсия алачаклар

Августтан 2018 елда эшләгән пенсионерлар пенсияләрен арттырылган күләмдә ала башлаячак, дип белдерәләр Башкортстан буенча Пенсия фонды бүлегенең матбугат хезмәтендә.

Эшләүче пенсионерларның страховка пенсияләре күләмен ел саен августта үтә торган яңадан исәпләүләр (перерасчет) буенча эшләр тәмам. Узган ел өчен түләнгән взнослар хакындагы мәгълүмат эш бирүчеләр тарафыннан җиткерелгән һәм Пенсия фонды аларны страховкаланган шәхесләр исәпләренә күчергән.
“Өстәмәләр күләме августта шәхсән, ул эшләү чорыннан һәм эш бирүчеләрдән Пенсия фондына күчерелгән страховка взносларына  бәйле. Пенсияне яңа күләмдә Башкортстанның 248 мең пенсионеры алачак. Чыгымнарны финанслау  тулы күләмдә тәэмин ителде ”, - дип белдерә Башкортстан буенча Пенсия фонды бүлеге җитәкчесе Фоат Хантимеров.
График буенча пенсияләрне тарату почта бүлекләре тарафыннан 2-24 августта башкарылачак. Пенсияләрне кредит оешмаларына күчерү – килешү буенча билгеләнгән срокларда.

 

Автор : Шакирҗанова Әлфия
Чыганак: "Башинформ"

Нравится
Поделиться:
Реклама
Комментарии (0)
Осталось символов: