Саба дулкыннары

Патшаларча эремчек пирогы рецепты

Дөрес туклану сериясеннән "патшаларча ватрушка" рецептын тәкъдим итәм.

Камыр өчен: 130 г дөге оны, 2 йомырка сарысы, тәменчә фитпарад яки шикәр комы, 40 г сыер мае (бүлмә температурасыннан салкынрак булсын, суыткычтан яңа алынган). Ингредиентларны бергә кул белән изәбез, төерчекле камыр барлыкка килә. 

Эчлек өчен: 400 г эремчек, 2 йомырка агы, тәменчә фитпарад яки шикәр комы, лимон яки апельсин цедрасы өстәргә мөмкин Ингредиентларны бергә бутыйбыз. 

Табаны майлап, камырны сибәбез (әзрәген өстенә сибәргә калдырабыз), өстенә эремчекле массаны җәябез. 180 градустагы духовкада пешерәбез, вакыты төрлечә, бу таба киңлегенә дә, духовканың нинди булуына да карый. 
 
Тәмле булсын!
 
 
Автор: Айгөл ГАТАУЛЛИНА
Фото: Айгөл Гатауллина
 

Нравится
Поделиться:
Реклама
Комментарии (0)
Осталось символов: