Иртәнге чәйгә тәмле тәбикмәк

Аның өчен 3 стакан манный ярмасы, 1 стакан он (бүлмә температурасында булсын), 3 чәй калагы шикәр комы, 1 чәй калагы дрожжи, тозны болгатып, кайнаган җылымса сөт белән ботап (куерак була, чөнки алга таба әле аны сыегайтабыз) 4-5 сәгатькә кабартырга куябыз. Аннан соң 5 йомырка, кайнап торган сөт өстәп, яхшылап болгатабыз (мин акрын гына блендер белән болгатып алам) бераз тагын кабартабыз һәм пешерәбез. Беренче тапкырын майласак, калганнарында табаны майларга кирәкми. Ике яклап та акмай белән майлап табынга куябыз. Чәйләрегез тәмле булсын!