Татарстанның бер районында терлекләр котыру авыруы буенча карантин кертелде
Татарстан Республикасы хакимияте Алабуга шәһәре һәм Алабуга районы территориясендә хайваннар котыру очраклары ачыклануга бәйле рәвештә чикләү чаралары игълан итте.
Тиешле указ ТР Рәисе тарафыннан имзаланган һәм республиканың хокукый мәгълүматның рәсми порталында бастырылган.
Документ нигезендә, эпизоотик учак Алабугадагы конкрет координаталардан 10 метр радиус белән билгеләнгән, ә имин булмаган пункт учак тирәли 3 км радиустагы территорияне колачлый.
Эпизоотик ноктада, яисә фермада, авыру хайваннарны дәвалау, терлекләрне кертү һәм чыгару, үлгән хайваннарның тиреләрен алу, шулай ук бу территориягә чит кешеләргә керү тыела.
Имин булмаган пунктта хайваннар катнашында ярминкәләр, күргәзмәләр һәм башка чаралар, шулай ук аларны зоопаркларга чыгару һәм кыргый хайваннарны тоту чикләнгән.
Карантин соңгы авыру хайванны юк иткәннән һәм барлык кирәкле чаралар үткәрелгәннән соң 60 көн дәвамында гамәлдә булачак.
Тулырак: https://shahrikazan.ru/news/kyskaca-ianalyklar/tatarstannyn-ber-raionynda-terleklar-kotyru-avyruy-buenca-karantin-kertelde
Следите за самым важным и интересным в Telegram-каналеТатмедиа
Читайте новости Татарстана в национальном мессенджере MАХ: https://max.ru/tatmedia
Нет комментариев