СССР ның атказанган тренеры В.В. Краснов һәм бокска нигез салучы Ф. Ш. Сабирҗанов истәлегенә егетләр һәм кызлар арасында бокс буенча төбәкара ярыш 2025 елның 11-13 апрелендә Арча шәһәрендә узды.

Саба районыннан «Олимп» спорт мәктәбенең бокс бүлеге спортчылары чыгыш ясады. Каты көрәш нәтиҗәсендә үз үлчәү категорияләрендә беренче урынны - Сабирҗанова Ясминә (48 кг), Гайнетдинов Радил (40 кг), Йосыпов Салават (30 кг), Миңнегалиев Зөлфәт (44 кг), Абдуллин Адель (38 кг) , Дәүләтҗанов Әмирхан (40 кг) алдылар, икенче урыннарны Сафина Ралина (48 кг), Кашипов Дамир (30 кг), Байметов Әмир (50 кг) яуладылар, өченче урында - Хәйруллина Альбина (40 кг), Хуҗина Альбина (42 кг), Дорофеева Камила (54 кг). Балаларны яхшы чыгышлары белән котлыйбыз һәм яңа җиңүләр телибез!