«Күңелле әлифба. Укырга өйрәнәбез» YouTube проектын төшергән вакытта янгын чыккан

«Проектны төшергән вакытта күп вакыйгалар белән очрашырга туры килә. Ләкин мондый хәлнең булганы юк иде әле. Төп героебыз – Алмаз Гәрәев үзенең киемен яндырды. Башта бик курыктык, ләкин батыр йөрәкле Зөбәйдәбез барыбызны да тынычландырып, 112 гә шалтыратырга кирәклеген искә төшергәч, аңга килдек. Хәзер инде бар да артта калды. Барыбыз да исән-сау», – ди проектны әзерләүчеләр. Әлеге вакыйганы «Күңелле әлифба» YouTube каналында һәм «Салават күпере» балалар журналының «ВКонтакте»дагы битендә карагыз!