Саба ТВ

Явлаштау мәчетендә Галимҗан Баруди елы уңаеннан чара узды

Билгеле булганча, Татарстан Диния нәзарәте тарафыннан 2017 ел "Галимҗан Баруди елы" дип игълан ителде.Татар дин әһеле, мөфти Галимҗан Барудиның тууына февраль аенда 160 ел тула.

18 февраль көнне Явлаштау мәчетендә Галимҗан Барудига багышлап бик күркәм чара уздырылды. Бирегә Сабадан килеп укытучы Рәсимә абыстайда дини дәресләр алучы һәм мәхәллә халкы җыелды. Чараны авылның яшь имамы Инсаф Галимҗанов ачып җибәрде. Галимҗан Баруди турында Тәслимә Сабирҗанова кыскача сөйләп үтте. Коръәннән сүрәләр укылды. Соңрак әлеге чара чәй табыны артында дәвам итте.

Галимҗан Баруди күренекле дин галиме, мәшһүр җәмәгать эшлеклесе, педагог. 1882 елда Г. Баруди мәдрәсә ача, ул анда җәдитчә укыта, әтисенең хөрмәтенә мәдрәсәгә "Мөхәммәдия" исеме бирә. 1906 елда Казанда аның мөхәррирлегендә «Әд-дин вәл-әдәб» ("Дин вә әхлак") журналы чыга башлый. Баруди Россия мөселманнарының сәяси тормышында да актив катнаша. "Иттифак әл-мөслимин" мөселман фиркасе Үзәк комитетының әгъзасы итеп сайлана. Россия мөселманнарының Үзәк диния нәзарәте мөфтие вазыйфаларын да башкара.

Чыганак: saby-rt.ru

 

______________________________________________________________________________________________________________________________________

 

Безнең инстаграммга кушыл ===>>> Instagram.com/trksabadulkynnary/

______________________________________________________________________________________________________________________________________

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: