Саба дулкыннары

Яңа акчаларда Казан күренеше өчен тавыш бирү дәвам итә

Бу акчаларны 2017 елда чыгара башларга ниятлиләр. Әлегә 200 һәм 2000 сумлык купюраларда нәрсә төшереләчәге билгеле түгел. Моны Россия халкы хәл итәчәк. Шунысы мөһим: яңа акчаларда Казан күренешләре дә урын алырга мөмкин.

Тавыш бирүнең беренче этабы Твоя-Россия.рф сайтында 28 июньнән алып 28 июльгә кадәр дәвам итә. 5-30 августта үткәреләчәк икенче этапта «Иҗтимагый фикер» фонды 6 мең кеше арасында сораштыру оештырачак. Аның нәтиҗәләре буенча иң популяр 10 шәһәр һәм алардагы 20 истәлекле урын сайлап алыначак.

Шуңа күрә әлеге тарихи вакыйгага битараф булмыйча Казан шәһәре символлары өчен тавыш бирүегезне сорыйбыз.

Тавыш бирү өчен Твоя-Россия.рф сайтына кереп Казан шәһәрен сайларга һәм "Казан Кремле", "Казан (Идел буе) федераль университет"ы символлары өчен тавыш бирергә кирәк.

Нравится
Поделиться:
Реклама
Комментарии (0)
  • "Атна" инф. программа. Эфир 11.05.2018
Ночной режим