Саба ТВ

Россиялеләр банкаларга азрак ышана башлаган

Шулай ук иминият компанияләренә дә ышаныч дәрәҗәсе 35 процентка кадәр кимегән.

(Казан, 8 сентябрь, "Татар-информ"). Россиялеләр бер ел эчендә банкларга, иминият компанияләренә һәм дәүләтнеке булмаган пенсия фондларына (НПФ) азрак ышана башлаган, дип яза РИА Новости, Милли финанс тикшеренүләр агентлыгы (НАФИ) мәгълүматына сылтама ясап.

"Финансистлар көнендә без мониторинг тикшеренүләренең нәтиҗәсен бастырып чыгарабыз. Алар халыкның финанс институтларына ышанычын күрсәтә. Узган елның июль аеннан россиялеләрнең банкларга, иминият компанияләренә һәм дәүләтнеке булмаган пенсия фондларына (НПФ) булган ышанычы сизелерлек кимегән. Ә инвестиция компанияләренә һәм микрофинанс оешмаларга ышаныч дәрәҗәсе элеккечә калган", - диелә хәбәрдә.

Шул рәвешле, россиялеләрнең 60 проценты банкларга ышана (14 проценты - тулысынча һәм 46 проценты - өлешчә). Бу күрсәткеч узган елдагыдан 7 процентка кимрәк. Билгеләп үтелгәнчә, бу кимү җавап бирергә авырсынган кешеләр хисабына күзәтелә. 2016 елның июлендә бу җавапны 52 процент кеше сайлаган. Шулай ук иминият компанияләренә дә ышаныч дәрәҗәсе 35 процентка кадәр кимегән. 2016 елның июлендә бу күрсәткеч 40 процент булган.

 

______________________________________________________________________________________________________________________________________

 

Безнең инстаграммга кушыл ===>>> Instagram.com/trksabadulkynnary/

______________________________________________________________________________________________________________________________________

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: