Саба ТВ

МЧС, һава шартлары бозылу сәбәпле, саклык чаралары турында искәртә

5 июньдә Татарстанда көчле җил көтелә, яшенле яңгыр һәм боз яварга мөмкин.

(Казан, 4 июнь, “Татар-информ”). Татарстан Гражданнар оборонасы һәм гадәттән тыш хәлләр министрлыгы һава шартлары бозылган вакытта куркынычсызлык чараларын искәртә, дип хәбәр иттеләр “Татар-информ”га Россия Гадәттән тыш хәлләр министрлыгының Татарстан буенча Баш идарәсе матбугат хезмәтендә.

  • “Татар-информ” агентлыгы якындагы көннәрдә республикада һава шартлары кинәт бозылырга мөмкин дип хәбәр иткән иде. Татарстанда көннең икенче яртысыннан башлап 23.00 сәгатькә кадәр яшенле яңгыр һәм боз явуы ихтимал.

Татарстан Гражданнар оборонасы һәм гадәттән тыш хәлләр министрлыгы метеошартларны исәпкә алып, республикада яшәүчеләргә электр уты тапшыру линияләре, агачлар, реклама корылмалары, киштәләр янында тормаска киңәш итә. Шулай ук лапаслар, йорт кәрнизләре янында тору да куркыныч. Һава шартлары бозылганда, имгәнүдән саклану өчен, подъездга яки йорт подвалына качарга кирәк.

Район җитәкчеләренә халыкка хәбәр итү системасының төззеклеге һәм әзерлеген тикшерергә, шулай ук балаларны каядыр алып бару һәм палаткалы балалар лагерьларын эштән вакытлыча туктату зарур.

Һава шартлары кинәт үзгәрүе хакында бигрәк тә балалар савыктыру лагерьларына һәм балалар күпләр җыела торган башка учреждениеләргә хәбәр итүгә аерым игътибар бирергә кирәк.

Фото: https://snatchnews.com

 

 

Безнең соц. челтәрләргә кушыл ===>>> Инстаграм, ТикТок

__________________________________________________________________________________________________________________________________

 

Иң мөһим һәм кызыклы язмаларны Татмедиа Telegram-каналында укыгыз


Нравится
Поделиться:
Реклама
Комментарии (0)
Осталось символов: