Кичә 4 ноябрь халыклар бердәмлеге көнендә районыбызда зур, куанычлы вакыйга булды.

Кичә 4 ноябрь халыклар бердәмлеге көнендә районыбызда зур, куанычлы вакыйга булды. Саба аграр көллияте биләмәсендә 1941- 1945 елларда Ватанны саклап һәлак булган сугышчыларга һәйкәл ачылды. Ул Бөек Ватан сугышында хәбәрсез югалган сугышчыларга багышланган Россиядәге беренче мемориал.
Проектнын инициаторы - якташыбыз , Елыш авылы тумасы, "Суворов" хәйрия фондынын идарә рәисе Айрат Гафуров. Һәйкәлне ачу тантанасында районыбыз җитәкчеләре, Казан шәһәреннән хәрбиләр , аграр көллият коллективы, юнармиячеләр, иҗтимагый оешмалар вәкилләре катнашты.
Һәйкәлгә капланган япманы Саба районы башлыгы Рәис Миннеханов , "Суворов" хәйрия фондынын идарә рәисе Айрат Гафуров ачтылар һәм чыгыш ясадылар. Аннары тантанада катнашучылар һәйкәлгә чәчәкләр салдылар. Шулай ук район үзәгендәге һәйкәлләргә дә чәчәкләр салынды.