Казанда Red Bull Air Race авиаузышларын 90 мең кеше тамаша кылган

(Казан, 24 июля, «Татар-информ»). 22-23 июльдә тарихта беренче тапкыр авиаузышлар буенча Red Bull Air Race "Һава узышлары" Дөнья чемпионатының Россия этабы үткәрелде. Спорт һәм социаль проектлар дирекциясе матбугат хезмәте хәбәр иткәнчә, әлеге ярышларны 90 мең кеше тамаша кылган.

Исегезгә төшерәбез, әлеге узышларда Master категориясендә Америкадан Кирби Чемблисс җиңү яулады. "Көмеш" - канадалы Пит Маклаудта, "бронза" - америкалы Майкл Гулиамда. Казанда Challenger Кубогын Кытай очучысы Кенни Чан алды.